The Walking Dead - நடக்கும் மரணம்

ஹாலிவுட்டில் Zombie படங்கள் மிக பிரபலம். இதற்கென்று தனி ரசிகர் பட்டாளமே உள்ளன. பிரபல ஹாலிவுட் நடிகர் வில்ஸ் ஸ்மித் கூட I am Legend என்ற Zombie படத்தில் நடித்து உள்ளார். 28 Days later,28 weeks later மிக பிரபலமான Zombie பட வரிசையில் ஒன்று.அதே போல் தமிழில் மொழிமாற்றம் செய்து நான்கு பாகங்கள் வெளிவந்து ஓடிய Resident Evil படமும் Zombie படமே.

Timecrimes - Los Chronocrímenes காலகுற்றம்

மற்றுமொரு விறுவிறுப்பான ஸ்பானிஷ் மொழி Time Travel படம் இது.ஹெக்டர் என்பவன் தனது தனது மணைவியோடு புதியதாக மாறிய வீட்டில் பொருள்களை ஒழுங்குபடுத்தும் பணியில் இருக்கிறான்.அப்போது ஒரு போன் அழைப்பை எடுக்கிறான்.மறுமுனையில் யாரும் பேசாமல் போகவே அந்த எண்ணுக்கு அவனே மீண்டும் போன் செய்கிறான்.அப்போது பதில் இல்லை வித்தியாசமான சப்தம் மட்டும் வருகிறது.பின் தன் வீட்டின் வெளியில் சேரில் அமர்ந்து எதிரே உள்ள மலைபகுதியை பைனாகுலரில் ஆராய்கிறான்.

வில்லன்களிலே முக்கியமான வில்லன்

தன்னை வில்லாதி வில்லன் நம்பர் 1 என நினைத்து கொண்டிருக்கும் க்ரூ நினைப்பில் வெக்டர் என்பவன் மண்ணை போடுகிறான்.எகிப்தில் உள்ள பிரமிடையே திருடி தன்னை வில்லாதி வில்லன்களில் முக்கியமான வில்லன் என காட்டுகிறான்.இதனால் தன் பெருமைக்கு பங்கம் வந்ததை அறியும் க்ரூ நிலாவையே திருடி மீண்டும் தன் பெருமையை நிலை நாட்ட நினைக்கிறான்.இதற்க்காக கொடூர செயல்களுக்கு நிதி உதவி செய்யும் Bank Of Evil க்கு சென்று நிலாவை திருட ராக்கெட் செய்ய பண உதவி கேட்கிறான்.

Frequency [2000] - அமானுஷ்ய அலைவரிசை

நண்பர்களே,
அமானுஷ்ய அலைவரிசை என்ற தலைப்பை பார்த்தவுடன் நமது காமிக்ஸ் ரசிகர்களுக்கு மர்ம மனிதன் மார்ட்டின் அறிமுகமான அமானுஷ்ய அலைவரிசை கதை நினைவு வரலாம். அதே போல் அமானுஷ்மான இப்படத்தை நேற்று பார்த்தேன்.ஆங்கில படங்களில் Sci-Fi படங்கள் என்றாலே எனக்கு கொஞ்சம் அலாதி.அதிலும் time travel சம்பந்தப்பட்ட கதைகளை தேடி தேடி பார்ப்பேன். இப்படம் time travel கதைகளை போன்றே வித்தியாசமான கதையை கொண்டது.நிகழ்காலத்தில் இருக்கும் மகன் இறந்தகாலத்தில் 30 வருடங்களுக்கு முன் இறந்த தனது தந்தையுடன் அவர் தீ விபத்தில் இறக்க போகும் சிறிது நேரத்திற்கு முன்னாள் பேசியதால் என்ன நடந்தது என்பதை இப்படம் சுவராசியமாக சொல்கிறது.

The Goonies - வாண்டுகளின் புதையல் வேட்டை - மீள் பதிவு

காமிக்ஸ் காதலர்களே ,
காமிக்ஸ் உலகத்தில் புதையல் வேட்டை கதைகள் மிக பிரபலம். பல கதைகள் புதையல் வேட்டையை மையமாக கொண்டு வந்துள்ளன. நம் சிறுவயதில் புதையல் வேட்டை கதைகளையும், திரைபடங்களையும் விரும்பி பார்ப்பதுண்டு. புதையல் வேட்டை விளையாட்டும் விளையாடியதுண்டு. இவைகளை என்றுமே மறக்க இயலாது.

1985 ஆம் ஆண்டு Steven Spielberg ஆல் கதை எழுதப்பட்டு , Richard Donner அவர்களால் இயக்கப் பட்டு வெளிவந்த திரைப்படம் The Goonies . இப்படத்தை தற்சமயம் தான் பார்த்தேன். Hollywood ல் இன்று வரை சிறு வயது நினைவுகளை நினைவுபடுத்தும் சிறந்த Classic திரைப்படமாக ரசிகர்களால் புகழப்பட்டு வருகிறது.

இக்கதையின் மையக்கரு புதையல் வேட்டை தான். எனக்கும் புதையல் வேட்டை கதைகள் , திரைப்படங்கள் என்றால் அலாதி பிரியம். சிறுவர்களை வைத்து எடுத்துள்ளதால் என்னவோ இது நம் இளவயதில் படித்த புத்தகங்களையும் , விளையாடிய பருவத்தையும் நினைவு படுத்துகிறது.காமிக்ஸ் ரசிகர்கள் புதையல் வேட்டை கதைகளை மிகவும் ரசிப்பார்கள் என்பதால் என் மனம் கவர்ந்த இப்படத்தை பற்றி இங்கு பதிவிடுகிறேன்

திருட்டை தொழிலாக கொண்ட தங்களை Fratellis என அழைத்துக்கொள்ளும் குடும்பத்தை சேர்ந்த திருடன் தன் தாய் Fratelli மற்றும் சகோதரன் உதவியுடன் ஜெயிலில் இருந்து தப்புவதிலிருந்து கதை ஆரம்பிக்கிறது. Astoria, Oregon கிராமத்தில் தான் நமது கதாநாயகர்கள் (The Goonies) படை வசிக்கிறது. Mikey Walsh மற்றும் Brandon Walsh இருவரும் சகோதரர்கள். இவர்களுக்கு அண்மை வீடுகளில் வசிக்கும் Chunk,Mouth மற்றும் Data ஆகியோர் Mikey Walsh ன் நண்பர்கள் .இதில் Brandon Walsh மட்டும் வாலிப வயதினன்.

Astoria Country Club Golf மைதானம் கட்டுவதற்காக இவர்கள் குடியிருக்கும் வீடுகளை காலி செய்ய சொல்கிறது. போதிய பணமின்மையால் மைதானம் கட்டுவதை தடுக்க முடியாமல் வீட்டை காலி செய்யும் நிலை அனைவருக்கும் ஏற்படுகிறது. இதனால் Mikey Walsh பெரிதும் மன வருத்தமடைகிறான். அவர்கள் தாங்கள் சேர்ந்து இருக்கும் கடைசி வார விடுமுறையை ஒன்றாக கழிக்க விரும்புகிறார்கள்.ஆனால் Brandon Walsh Driving License Test ல் தோல்வியடைவதால் கார் ல் வெளியே செல்ல முடியாத நிலை உருவாகிறது. பொழுது போகாமல் அனைவரும் Mikey Walsh இன் தந்தை சேகரித்து வைத்துள்ள பழைய பொருட்க்களை கிளறுகிறார்கள். அப்போது ஒரு பழைய செய்தித்தாளும், பழைய ஸ்பானிஷ் வரைபடம் மற்றும் நாணயமும் ஒன்றும் கிடைக்கிறது . அதில் Astoria, Oregon கிராமத்தில் பிரபல கடற்கொள்ளையன் ஒற்றைக்கண் வில்லியின் புதையல் இருப்பதாக கூறப்பட்டுள்ளது. Mikey Walsh க்கு தன் தந்தை கூறியது நினைவு வருகிறது.

கிமுவில் சோமு

நண்பர்களே,
கிமுவில் சோமு என்ற இந்த காமிக்ஸ் பிரபல படங்களான இம்சை அரசன் புலிகேசி,அறை எண் 305ல் கடவுள் ஆகிய படங்களை இயக்கிய சிம்பு அவர்களால் வரையப்பட்டு ஆனந்த விகடனில் 1999 ஆம் ஆண்டு 25 வாரங்களாக தொடராக வெளிவந்தது. சிறந்த சித்திரங்களுடன் நகைசுவையுடனும் வாசகர்களின் பாராட்டை பெற்றது.இது ஆனந்த விகடனில் வெளியான நேரத்தில் தொடர்ச்சியாக படிக்க முடியவில்லை.தற்போது முழு புத்தகமாக படித்ததில் மகிழ்ச்சி.மேலும் இந்த சித்திரகதை உருவாக நமது கதாநாயகர்களான இரும்புக்கை மாயாவி,லக்கி லூக் ஒரு தூண்டுதலாக அமைந்ததாக சிம்பு அவர்கள் கூறியுள்ளார். இக்கதை 2004 ஆம் வருடமே நர்மதா பதிப்பகம் வெளியிடப்பட்டுள்ளது. ஆனால் தற்போது தான் எனக்கு தெரிந்தது.சிம்பு அவர்கள் அவரது என்னுரையில் நமது லயன் காமிக்ஸ் கதாநாயகர்கள் ஆர்ச்சி,இரும்புக்கை மாயாவி ஆகியோரை பற்றி குறிப்பிட்டுள்ளார்.அவர் தற்போது எடுத்து கொண்டிருக்கும் இரும்பு கோட்டை முரட்டு சிங்கம் படம் கூட நமது லக்கி லூக்கை பிரதிபலிப்பதாக உள்ளது.சரி நாம் கதைக்கு வருவோம்.

கதைக்கு போகும் முன் கதையின் கதாபாத்திரங்களை பற்றி பார்ப்போம்.கதையின் கதாநாயகன் சோமு விஞ்ஞானி அவனது நண்பன் வெங்கி. சோமுவின் மாமா மகள் சுட்டிப்பெண் ருக்கு மற்றும் கயவர்கள் கபாலி,பிச்சு.மேலும் முல்லா தாத்தா இவர்களுடன் குட்டி டினோசர் சுப்புணி.டினோசர் எப்படி வந்தது என்பதை கதையில் காண்க.

சிறுவன் சோமு தன் தாத்தாவின் மேல் பாசமாக இருக்கிறான்.அவனது தாத்தா அவருக்கு கிடைத்த ஒரு விசித்திர பலகையின் துணை கொண்டு 12 வருடங்களாக ஏதோ ஆராய்ச்சியில் ஈடுபடுகிறார்.ஒருநாள் ஆராய்ச்சியில் ஏதோ வெடித்து தாத்தா இறந்து போகிறார்.மனம் உடையும் சோமு அந்த விசித்திர பலகையை எடுத்து வைத்து கொள்கிறான்.மேல்படிப்புக்காக தன் மாமா ஊருக்கு சென்னை செல்கிறான்.காலங்கள் உருண்டோடுகின்றன.பதினெட்டு வருடங்களுக்கு பிறகு சோமு படித்து விஞ்ஞானி ஆகிறான்.

தன் தாத்தா ஆராய்ச்சியை தொடர்கிறான்,வெற்றி கொள்கிறான்.தன் தாத்தாவின் கனவான கால இயந்திரத்தை கண்டுபிடிக்கிறான். தன் கண்டுபிடிப்பை தன் மெக்கானிக் நண்பன் வெங்கியிடம் காட்டுகிறான்.இருவரும் கால பயணம் மேற்கொள்ள தயாராகின்றனர்.அப்போது சோமுவின் மாமா பெண் ருக்கு வருகிறாள்.அவள் அடம் பிடிப்பதால் வேறு வழியில்லாமல் அவளையும் அழைத்து கால இயந்திரத்தில் ஏறி கி.பி 1450 செல்கின்றனர். அங்கே அந்த காலத்தில் வேட்டைக்கு வந்த மன்னர் படை துரத்தவே மீண்டும் நிகழ்காலம் வருகின்றனர்.

இதையெல்லாம் பார்க்கும் கயவர்கள் கபாலியும்,பிச்சுவும் அந்த கால இயந்திரத்தை தாங்கள் பயன்படுத்தி பணம் சம்பாதிக்க முடிவு பண்ணுகின்றனர்.சோமு,வெங்கியை மிரட்டி ருக்குவை பணயக்கைதியாக எடுத்துகொண்டு கால இயந்திரம் மூலம் கிமு ஆறரை கோடி ஆண்டுகளுக்கு பின்னால் செல்கின்றனர். என்ன செய்வது என தெரியாமல் முழிக்கும் சோமுவும் வெங்கியும் முல்லா தாத்தாவின் உதவியை நாடுகின்றனர்.அவர் வைத்திருக்கும் பறக்கும் கம்பளம் மூலம் சோமு இன்னொரு கால இயந்திரம் உருவாக்கி அவர்களும் கிமு ஆறரை கோடி ஆண்டுகளுக்கு பின்னால் பயனமாகின்றனர். அவர்கள் கபாலி,பிச்சுவை பார்த்தார்களா,ருக்குவை காப்பாற்றினார்களா என்பது மிகவும் சுவைபட விறுவிறுப்பாக செல்கிறது.

கதையில் அவர்கள் பயணிக்கும் டினோசர் காலம், ஆதிவாசிகள்,செவ்விந்தியர்கள்,சக்கரத்தை கண்டுபுடிக்கும் மனிதன்,டைட்டானிக் கப்பல்,கொலம்பஸ்,ரோமானிய பேரரசு,அசோக சக்கரவர்த்தி,கிளியோபட்ரா ஆகியவை மனதை கவரும் வண்ணம் உள்ளன.வாங்கி படித்து பாருங்களேன்.இந்த புத்தகத்தை வாங்க இங்கே கிளிக்கவும். விலை ரூபாய் 40/-.






அன்புடன் ,
லக்கி லிமட்
Browse All - உலவல்

Wallace & Gromit in The Curse of the Were-Rabbit

Wallace & Gromit in The Curse of the Were-Rabbit - இப்படம் நண்பர் Saravana Kumar MSK இன் கடந்த பதிவான Mary and Max படத்தை போலவே ஒரு Clay Animation படமாகும்.Wallace & Gromit கதாபாத்திரங்கள் UKவை சேர்ந்த Animation கதாபாத்திரங்கள்.30 நிமிடங்களே ஓடுமாறு தயாரிக்கப்பட்ட இவ்விரு கதாபாத்திரங்களின் Animation படங்கள் , Wallace & Gromit in The Curse of the Were-Rabbit படத்தின் மூலம் ஒரு முழுநீள படமாக வெளிவந்தது.இப்படம் DreamWorks Animation and Aardman Animations ஆகியோரால் எடுக்கப்பட்டு வெளியிடப்பட்டது.

12:01

வணக்கம் நண்பர்களே ,
யதோச்சையாக Time Travel திரைப்படங்களை கூகுளில் தேடி கொண்டிருந்தபோது இப்படம் சிக்கியது. 1993 ல் இப்படம் டிவியில் அமெரிக்காவில் Fox Network ல் வெளியானது.

Barry Thomas ஒரு Science Research Lab ல் அலுவலக பணியில் அடிக்கடி தன் தலைமை அதிகாரியிடம் குட்டு வாங்கும் ஓர் சாதாரண பணியாளன். அவனே யாரென்றே தெரியாமல் Science Research Lab ல் விஞ்ஞானியாக இருக்கும் Lisa Fridercks கதாநாயகியை தினமும் பார்த்து மென்று முழுங்குகிறான்.